السلام عليكم ورحمة الله وبركاته
إبتهال جميــــــــــل جدا
دايما بفتكره لما الواحد بيحس بضيق
ودايما بصبر بيه والدتي
كن عن همومك معرضاً *** و كِل الأمورَ إلى القضا
و أبشر بخيرٍ عاجل *** تنسى به ما قد مضى
فلربما وسع المضيقُ *** و ربما ضاق الفضا
ولرُبَّ أمرٍ مغضبٍ *** لك في عواقبه رضا
الله يفعل ما يشاء *** فلا تكن متعرضا
الله عودك الجميل *** فَقِس على ما قد مضى
لــ صفي الدين الحلي
وده الإبتهال بصوت الكروان الشيخ طه الفشني
ربنا ما يجيب لحد ضيق
ويجعل أيامنا كلها سعادة ورضا :)
سلام عليكم
2 التعليقات:
سلام عليكم و رحمة الله و بركاته
الله .. أبيات جميلة أوي ...
مش فاكره إني شوفتها قبل كده ...
بـ صراحة جايّه فـ وقتها جداً ... !!
ربنا يـ يسّر كل عسير .. و يفرج الكروب ...
سؤال ليه علاقة بـ البوست اللي قبل ده و اللي قبلهم !
فين مكتبة القدس ؟؟
و الكتب اللي حضرتك بـ تقراها ممكن ألاقيها فين ؟؟
شكراً ع الإبتهال اللي جاي فـ وقته ده ... :)
fOsDö2ä:
وعليكم السلام ورحمة الله وبركاته
فعلا ما شاء الله الكلمات جميلة وتفتح النفس :D والإبتهال أجمل.
الشيخ الفشني ليه ابتهالات أجمل من كده كمان.
ربنا يفرج الكروب يارب ... آميـــــن.
بالنسبة للكتب انا بعتمد تقريبا ع تلات مصادر:
مكتبة القدس: ودي موجودة أمام مسجد عبد الله وهبه جنب بتوع الصاغة عند مرزبان, تقريبا نهاية شارع باتا والمكتبة كلها كتب دينية ورقائق وكتب جميلة جدا.
والشيخ اللي هناك بتاع صرافة يعني لو حبيتي تفكي فلوس ولا حاجة :D
ومكتبة وادي الملوك: اللي جنب الجامعة عند باب زراعة ودي برده كتب دينية وممكن تلاقي حاجات كتير للأطفال كتب وهدايا.
مع العلم ان الكتب الدينية فيها برده تنمية بشريه وتاريخ وسياسة وأدب برده بس بطابع ديني وده الأجمل.وممكن تقوليلهم علي اي كتاب وهما يجيبوها لو مش عندهم.
وأخير الراجل اللي علي الرصيف اللي جنب سايبر ياهو برده عند باب زراعة.
بس ده بقي بيبيع مشَكِّل يعني بتاع كلو ادبيات, سياسية, ديني, تنمية بشرية, لغات..إلخ
بس ده انا بشتري منه بالصدفة :)
اه..وفيه موفع كويس جدا مشترك فيه, اسمه
http://www.goodreads.com/
ده بتلاقي عليه كم هائل من الكتب وبجميع التصنيفات وناس عاملة كومنتات وريفيوس علي الكتاب ونقد للكتب برده وايه الكويس وايه اللي مش كويس
وايه احسن حاجة في الكتاب ده وكده
وريكومندشنز وحاجات حلوة
وتقدري تعملي لنفسك رفوف مثلا الكتب اللي قريتيها رف واللي حاليا تقرأ رف, واللي هتقريها واللي ممكن تقريبا, وممكن الكتب الدينية رف وهكذا...
ودول كانوا مصادري المتواضعه :-B
دعوات حضرتك بالتوفيق..
ونعتذر ع الإطالة!
واي إستفسار نحن في الخدمه :)
سلام عليكم
إرسال تعليق