2014 !!!

سلام عليكم.
سنة 2013 وللأسف كانت من أسوء السنين اللي مرت عليا !
وده لأسباب كتير أفضل الإحتفاظ بيها !

والسنة الحالية نويت علي كذا هدف عايز احققهم (أو حتي جزء منهم) وإن كان دي أول مرة أحط قايمة بحاجات عايز احققها ! قد تكون عادة حلوة أو مجرد تفائل ساذج والأيام بس هي اللي هتحدد ده أو ده !

أغلب الاحلام مرتبطة بشغلي أكتر, وده لأني أدركت إنه بعد رضا ربنا ييجي إخلاصي لشغلي. وإن هو الشيء اللي هبقي فخور بأي إنجاز أقوم بيه ع المستوي الشخصي او ف المكان اللي بنتمي ليه.

• إصدار 5 Plug-Ins لل jQuery library علي الأقل.
• أتعلم Android mobile development.
• أتعلم Responsive web designing.
• أقرا أكتر عن ال Tools الجديدة لأني مش بقرا أي حاجة ف مجالي جديدة خالص.
• أشتري Tablet كويس أقدر أسجل عليه أفكاري بسرعه وأصمم أي فكره تيجي علي بالي.
• أبقي إيجابي أكتر وأكسر الخوف من الكلام قدام الناس !
• أحفظ 4 أجزاء من القرآن.
• أزود مهارتي ف الإنجليزي !
•  أتعلم ياباني ولو المحادثات الضرورية.
• السفر !

يمكن دول أهم الأحلام للسنادي يارب أقدر أحقق 60 علي الأقل :)
بسم الله.