مصر من تاني

انهاردة بس عرفت قد ايه احنا كنا عايشين حالة من الكبت والألم وفقدان الهوية
زي ما يكون مصر كانت في سجن كبير وثورة يناير بفضل الله هدمت حيطانه
كمية الإقبال ع الإنتخابات رهيبة وتدعو للتفاؤل.

الواحد بقي مستغرب هي الناس دي أصلا كانت موجوده فين ع البسيطة وجوم منين :)
انهارده فعلا اشبه ما يكون بعيد جمع كل مصر شرقيها وغربيها بكل ألوانها وطوائفها.
حالة من الإنشراح مالية قلبي ربنا يديم علي مصر الخير ويولي علينا الأصلح.

مع أن فيه بعض السلبيات عندنا في القرية في إختيار المرشحين

وتفضيل ابن البلد علي اللي خارج البلد مع ان اللي من بره أكفأ,
بس كمية الإقبال وفرحة الناس كانت كفيلة انها تشيل الأثر ده
فــربنا يعينا ونبدأ التغيير الحقيقي من جوانا.

وفي الآخر نرجع ونقول

 "وَكَانَ فَضْلُ اللَّهِ عَلَيْكَ عَظِيمًا"

الحمـد لله