السلام عليكم ورحمة الله وبركاته
وبعد 4 سنين جامعه و 11 سنه قبلهم 
واللي إكتشتفت فيها إن الواحد يقدر في يوم يزاكر منهج 3 شهور
أحب أقوووول
لقد هَرِمنا ... هَرِمنا
من اجل هـــــــذه اللحظة التاريخية
أخر إمتحان فيكي يا حاسبات
وأهو إبتدا المشوار الطويــــــــــــــل !
والشده عليك يارب .
ياااااه فعلاً كانت أيام غريبة والحمد لله أهي عدت بخيرها وشرها
بس بجد الواحد قابل نااااااس محترمه جدا جدا وقمة في الأخلاق.
واستفدت منهم بشكل كبير غير نظرتي لحاجات كتير .
وبرده الواحد قابل ناس أتمني من ربنا ما أشوفش وشهم تاني خااااااااالص .
مش عارف أوصف إحساسي فرحان ولا زعلان !
زعلان إني هسيب ناس زي ما بيقولوا بقوا عـِـشرَه عمر -4 سنيــــن -
بس فرحان جدا إني هبدأ الحياه العملية
وفرحان برده إني هبدأ إن شاء الله أحقق أهدافي الصغيره والكبيره.
واللي كانت ظروف الدراسه تمنعني إني أهتم بيها.
ربنا ينول كل طالب خير مراده.
ويوفقنا يارب في حياتنا ويوفقنا في خدمة دينا في شغلنا.
اللهم آميـــــن
سلام عليكم
8 التعليقات:
سلام عليكم ورحمة الله وبركاته
والله الواحد فعلا مش عارف يفرح انه هيسيب الكلية ولا يزعل !!!!
وطبعا انا واحدة م الناس عارفة اني مش هشوف الناس دي تاني ولا هنتقابل .. لان كل واحد هيتشغل في حياته ومستقبله...
ربنا ييسر للجميع ان شاء الله :)
الله يكون في العون... ويقدركوا على المسئوليات اللي هتكونوا ملزمين بيها،
وتكون البداية مبشرة ليكو ان شاء الله :)
ويارب نسمع عنكم سمع خير دايما .. وتشرفونا باعمال حلوة تفيدوا بيها الناس :)
نرجع بقى للحاضر والواقع... ربنا يوفقنا جميعا في المشاريع.. وتعدي على خير ...
سلام عليكم
Lamees :
وعليكم السلام ورحمة الله وبركاته
فعلاً الواحد والله زعلان جدا
والأيام عدت بسرعه غريبه من غير اي إنذار
بس هنقول ايه ده شيء مفروغ منه
وخلاص لازم الواحد بقي يستعد إنه هيبدأ مرحله جديده
ولازم يلحق يهيأ نفسه ليها
عشان يقدر يكمل من غير أي تراجع أو ضعف أوإحباط
إن شاء الله يارب تكون الأخبار اللي تسمعيها حلوه علي طول :)
ماهو بيقولوا دايماً تفائلوا بالخير تجدوه
ربنا يجعل أيامنا كلها مليانه رضا وخير دايماً يارب
بالتوفيق إن شاء الله في مشروع حضرتك
إلا إيه هو المشروع صحيح ؟ أنا قريت إسمه ومش قادر أفهم هو بيدور حولين ايه ؟؟؟؟
ممكن توضيح :D
هو انا سمعت طراطيف كلام انه بيبقي فيه شغل لآي إس في الجامعه مش عارف ده صح ولا لأ ؟
ماعلينا
دعوات حضرتك بس معانا إن ربنا يرزقنا بشغلانه محترمه :)
سلام عليكم
--- التوضيح :) ---
والله بالنسبة لاسم المشروع ... انا نفسي لما قريت المكتوب ما عرفتش!! قلت يمكن غيروا المشروع بتاعنا ولا حاجة !!
بس هو DSS + GIS كده لمحافظة الفيوم.. وحاجات عجيبة كده!!
بالنسبة للشغل... ده رزق من عند ربنا ..
وان شاء الله ربنا يرزق حضرتك بحاجة حلوة و شغلانة محترمة.. :)
بالنسبة ليا ... ان شاء الله دراسات عليا:)
ربنا يكرم الجميع ان شاء الله
---
مشروعنا برده كنا محتاجيبن حاجة في ال DSS برده
ما شاء الله دراسات عليا :D
بالتوفيق يارب دايماً:)
ونعم بالله أكيد كل حاجه رزق طبعاً
بس الدعاء مفيد جدا يعني
بالتوفيق في المشاريع للجميع يارب
سلام عليكم
عارف يا خيرى ؟
كل فتره ف حياتك هاتمر بنفس الحاله دى
ابتدائى و اعدادى و ثانوى و كليه و كل مكان هاتشتغل فيه و كل مكان هاتسكن فيه
طول عمرنا نتعرف على ناس و نودعهم و نستقبلهم
فى ناس فعلاً الواحد بيندم انه عرفها و ناس تانيه بيزعل جداً لمجرد التفكير انه مش هايقابلهم تانى
للامانه يا خيرى انت واحد من الناس -القليله جدااااااا-اللى الواحد هايفتقدهم جداً
ربنا يوفقك باذن الله و نشوفك بشمبرمج اد الدنيا D:
و متقطعش جوابات و لا نور و لا ميه
كمان لما تنزل اسكندريه فى اى وقت ابقى ادينى فون كده ;)
MESEE:
بجد والله ما عارف ارد أقولك ايه
غير إنك من الناس المحترمه القليله في الكليه دي برده ومن غير مجامله والله
وبجد الواحد هيبقي زعلان جدا إنه مش هيبقا يشوفك :(
بس خير يمكن ربنا يكتبلنا الشغل ف حته واحده إن شاء الله :)
ربنا يوفقك في الدراسه يارب وتعدي رابعه علي خير
ومعلش بقي السنه اللي راحت عليك
وانا عرفت قد ايه إنك إتظلمت :(
بس وعسي أن تكرهوا شيئاً وهو خير لكم
ربنا يارب ياخد بيدك ويعينك
بس ما تنساناش في دعواتك
ما تقلقش طول ما نتا بتكتب ع مدونتك
وطالما غنتا بتقرا لأنيس منصور
فكل كتاب هفراه هنفتكروك بيه :)
بس كده يا سيدي ان هرن عليك بس ابقي افتح عليا
لأنه إن شاء الله أكيد هكون بشتغل :))
سلام يا ميسي
سلام عليكم و رحمة الله و بركاته
مبروووك مقدماً ... :)
عقبال الـ إمتيازين .. التقدير و المشروع ... :)
أيام الإمتحانات .. بـ تبقى أيام العجائب متهألي ... !! :))
بالنسبة لـ الناس الكويسة .. المفروض الواحد يبقى يسأل عليهم و لو كل فترة عشان فعلاً مـ يتعوضوش ...
الموضوع مش صعب أوي بس المهم يفضلوا مخلصين ...
و بالنسبة لـ الناس الوحشين .. ربنا يبعدهم عن الكل ... !! :))
كل مرحلة فـ بدايتها بـ تبقى مقلقة .. بس الواحد بـ يتأقلم ...
أعتقد البداية دي غييييير - إلى حد ما - بس ربنا يعينك إن شاء الله ...
ربنا يكرمك و يوفقك لما يحبه و يرضاه ... :)
fOsDö2ä
وعليكم السلام ورحمة الله وبركاته
الله يبارك في حضرتك
آمين يارب نخلص المشروع ده قبل ما يخلص هو علينا :)
بالنسبه للإخلاص أعتقد والله أعلم يعني
إن المسأله دي هتحسم لما نبدأ شغل بجد ده الواحد هيشوف حاجات ربنا يكقينا شرها
إن شاء الله تكون بداية مختلفه
مع إن الواحد حاسس انه متكتف بس إن شاء الله المرادي خير
متشكر جدا ع الدعوه الجميلة دي
اللهم تقبل, آميييين يارب
الله المستعان..
ونأسف ع الرد المتأخر جدا ده
سلام عليكم
إرسال تعليق